ලංකාවේ කුරුඳු ; මල්, පොතු සහ කුඩු.
ලංකාවෙන් කෙරෙන භෝග අපනයන ගැන සලකලා බැලුවම තේ අපේ ප්රධාන අපනයනය කියන තැනින් අයින් වෙලා දැන් ගොඩක් කල්. ඒ තැන කුරුඳු වලට දෙන්න අවශ්යයි, මොකද ලෝකයේ ලොකුම කුරුඳු නිෂ්පාදකයා ශ්රී ලංකාවයි.
Gossips Lanka
ලොකුම කුරුඳු නිෂ්පාදකයා කිව්වම මොන තරම් ලොකුද කියන ප්රශ්නය එනවා. ලෝකයේ කොතනත් පාවිච්චි වෙන කුරුඳු වලින් 80%ත් 90%ත් අතර ප්රමාණයක් ලංකාවේ හැදෙන කුරුඳු කියලා කිව්වොත් ඔබ ඒක පිළිගන්නවද? පිළිකා වළක්වා ගන්න, බර අඩු කර ගන්න දැන් ගොඩක් බටහිර රටවල් වල පාවිච්චි වෙන ප්රධාන දෙයක් තමයි කුරුඳු. අපිට නම් වැඩි පුරුද්දක් තියෙන්නේ කුරුඳු කෑම වලට දාල කන්නනේ. (ඒකෙනුත් ව්යංජන වල තියෙන කුරුඳු පොතු අපි වැඩි දෙනෙක් කන්නේ නැතිව අයින් කරනවා) නමුත් මේ රටවල් වල නිතරම කෙරෙන්නේ කුරුඳු තේ බොන එක. ඒ කිව්වේ තේ වගේම කුරුඳු කුඩු කරලා දිය කරලා බොන එක. ලෙඩ රෝග ගණනාවකින්ම මිදෙන්න කුරුඳු තේ හේතු වෙන බව ඔවුන්ම පරීක්ෂණ කරලා හොයාගෙන තියෙනවා.
වැඩියෙන්ම විතරක් නෙවෙයි, ලෝකයේ හොඳම කුරුඳු නිෂ්පාදනය කරන්නෙත් ලංකාවයි. අපේ කුරුඳු ඉතා සුවඳ, සුමුදු, නියම ප්රමාණයට සංයෝග මිශ්ර වූ හා රසවත් බව බොහෝ දෙනෙක්ගේ පිළිගැනීමයි. කුරුඳු වල විද්යාත්මක නාමය දැක්කම ලංකාව කුරුඳු එක්ක මොන තරම් බැඳීමක් තියෙනවාද කියන දේ වැටහෙනවා. Cinnamomum zeylanicum කියන නමේ දෙවැනි කොටස Ceylon කියන ලංකාවේ ඉස්සර නමෙන් කෙලින්ම ගත්තු එකක්.
No comments:
Post a Comment